உன்னுடன் சேர்ந்து வரும்
மௌனம் போதுமெனக்கு
என்னுடன் நீ
பேச வேண்டியது அவசியமில்லை
எனது பேச்சினைக் கேட்டு
எதையும் வெளிப்படுத்த வேண்டியதில்லை
உன் மௌனத்தைத் தவிர
உனது மௌனம் என்னை
மறுத்துப் பேசாது
உனக்கும் எனக்குமிடையே என்றும்
கருத்து வேறுபாடுகளில்லை
எனது மொழி உனக்கும்
உனது மௌனம் எனக்கும் விளங்கும்
தொடர்பின்றி நான் பேசினாலும்
உனது மௌனம் என்னிடம்
கைகட்டி தலை குனிந்து நிற்கும்
உனக்கும் எனக்குமிடையே
போட்டிகளோ பொறாமைகளோ இல்லை
என்றும்
நீ
உன் மௌனத்தைக் கடைபிடிக்கும்வரை.
